A Navida do Sarrablo

A Navidá yera o día y fiesta que con más ganas sesperaba en tol año, ya pa San Andrés que yera a feria y Guesca, muitos do Sarrablo baxaban a bender os abrios y se sobiban ya os cosas precisas, sobre to si eban bendiu, de no bender as cosas cambiaban de color, teneban que contar con pagar a posada y teneban que sacar a rodar bella pezeta que feba dias la hechon plana no caxon.

De todas maneras medio mes antes precuraban tenelo tó en casa, abadexo, sardinas, figos, bella barreta y turrón y o que podeba fer una miaja más lancho, mercaba más cosas.

No en todas casas se gastaba bino, pero ta ixe día en denguna en faltaba, antes da filoxera lo teneban en casa, fué antonces cuan se murieron as biñas no Sarrablo.

Un par de días antis se masaba pa fer os empanadons, mayormen de calabaza y os aliños prezisos.

Manzanas peras y cocas, estaban agundantes de casa. O día Nocheguena se guardaba bixilia y ayuno, ayuno que resultaba Santefartes, yera costumbre de siempre, mañana un poco de pan tostau con ajo y aceite, ta mediodia sopas, jodias y si acaso media sardina, pero ta cenar a dueña precuraba que de todas sobrase.

Casi todas as familias cenabamos igual, por ser bixilia, primera esquerola con binagre, dimpues coles con patatas cocidas n'a olla, segui damen n'a cazuela y tierra más grande guisaban abadexo con salsa, dimpues abadexo rebozau con guego y farina. Pa acabar as dulzainas y o poncho, aeba güena cena y güena foguera, a to isto o machero eba puesto a quemar n'o fogar dos costales de leña que llamaban as tozas de Navidá, a zenisa se recogeba como cosa sagrada pa colada d'as madeixas de lino y cañimo.

D'os lugares que no abeba cura iban ta o que n'abeba a misa gallos y a la guelta feban colazion. A dueña, por si acaso beniba algún allegau, algo eba deixau preparau ta os que tornaran d'a misa.

Como ya no yera bixilia, por costumbre guisaba as colas d'as corderas que se espuntaban pa Viernes Santo u Tosantos, uno dos dos días. Ixo lo pua fer o que teneba algo y ganau, y se terminaba a fiesta cantando algún billanzico, como iste.

Esta noche, nochegüena
y mañana Navida,
saca la bota Maria
que m'enbo anborrachar.

Propiamen o día Navidá pasaba de una manera paicida, pagaba aprecio algún gallo reñidor u alguna gallina que no poneba. N'o lugar que abeba algún tañedor se chuntaban as mozas y mozos a cantar, bailar, contar chistes o dobinetas, como ista.

Si quies aquí, aquí
y sino vamos t'a cama
a chuntar pelo con pelo
ta felo de güena gana
(Que ye- O sueño y as pestañas)