Amigos de Serrablo

En la revitalización de la romería de Santa Orosia tuvo mucho que ver la publicación, en 1988, del libro "Las romerías de Santa Orosia" tesis de licenciatura de Enrique Satué. Pero esa revitalización se plasmó, sobre todo, en la recuperación de la pastorada que llevaba ya años sin ser representada. Ya en el especial de San Lorenzo del Diario del Altoaragón en 1987, Enrique pone los cimientos, en su artículo La pastorada del dance de Yebra de Basa en honor a Santa Orosia, de esa recuperación incluyendo como anexo a dicho artículo un fragmento de la pastorada del dance del año 1814. Este mismo artículo se reprodujo, meses después, en el n.º 66 de esta revista.

Posteriormente, en los n.º 73-74-75 (septiembre de 1989 a marzo de 1990) incide sobre ello de nuevo con un artículo de fondo que se rematará en el nº. 76, junio del 90, con otro titulado "Una propuesta para reconstruir la pastorada de Yebra" y en el que nos sorprende gratamente incluyendo una pastorada escrita por él mismo; eso es una propuesta de verdad al no quedarse en la mera teoría y dar un paso hacia delante, el paso más difícil, ciertamente. Estamos en junio de 1990.

Desde esta fecha hasta la actualidad será un hijo de la villa, Graciano Lacasta, quien con un gran tesón y cariño tomará el testigo y año tras año ha hecho posible que la pastorada se mantenga firme cada 25 de junio en la romería de Santa Orosia. Así pues, puede asegurarse que esta pastorada ha quedado definitivamente recuperada y asentada. Desde nuestra Asociación se ha colaborado abriendo estas páginas gustosamente y agradecemos a Enrique y Graciano la gran labor que han llevado acabo. Precisamente, en el momento de redactar estas líneas nos alegra el nacimiento de una Asociación en Yebra "O Zoque", que a buen seguro velará, entre otras muchas cosas, porque esta pastorada se mantenga viva. A continuación insertamos parte de la pastorada de este año 2000:

     
     SALUDO D'O MAIRAL

  00 ¡Atenzión pido siñors,
     a toz en cheneral,
     con o permiso d'ustés,
     asti me meto a charrar!

  01 ¡A toz os asti presens
     yo tos quió saludar,
     ta daros a biembenida
     enta ista fiesta ta gran!

  02 ¡Y saludaré, en primeras,
     a ixa biella ROMERÍA,
     que de Guarguera y Galliguera,
     ye n'a nuestra compañía!

  03 ¡Os nuestros brazos mu anchos,
     y os corazons bien abiertos,
     asmas de gran ye o abrazo
     d'o nuestro rezebimiento!

  04 ¡Bienvenus siais, romeros
     d'Arto, d' Ibort y d'Estallo,
     d'Ordobés, y Zeresola,
     d'Abenilia y d'Artosilla,
     San Esteban y Yespola!

  05 ¡Bien gúecos podís estar,
     con o palo y o ropón,
     pos eís sabiu rescatar
     ista biella tradizión!

  06 ¡Feba ya setenta añadas
     que no beniban romeros!
     ¡Se nos estremezen l'alma!
     ¡Qué goyo golber á bier-os!

  07 ¡A buestra presenzia asti
     fa aún más gran ista fiesta,
     chunto a os mosens y os cruzeros,
     os cantors y os banderistas,
     o mosico y os danzantes,
     y os portadors d'a peaina!

  08 ¡Chunto a tantismos debotos,
     rodiando a Santa Orosia,
     irnos puyau enta iste Puerto,
     con boluntá de concordia!

  09 ¡Cuando n'a ermita d'o Zoque,
     con Orosia de testigo,
     y Auturía frenta á frente,
     toas as banderas se besan,
     yen as chens d'ista Montaña
     as que de berdá s'a abrazan!

  10 ¡O beso que ros cruzeros
     con as suyas cruzes dan
     ye o saludo sinzero
     d'una mu biella amistá,
     toz os años renobada,
     de ras chens de Ballibasa
     y lugars d'a redolada!

  11 ¡Cuando os palos d'os romeros
     asti enta'1 zielo s'alzan
     y as suyas cruzes se besan,
     ye o abrazo d'ermandá
     con Guarga y a Galliguera!

  12 ¡Qu'asinas mesmo lo fizon
     os nuestros antipasaus!
     ¡Cuántismos escalzos no'n bino,
     enta iste Puerto sagrau,
     y de mu lejos á ormino,
     en busca de protezión!

  13 En a suya recordanza
     Oi asti semos nusotros
     Charando n'a mesma fabla,
     Ascuchando a suyas bozes:

  14 ¡Asque d'o Chorro nos chilan,
     as que 'Veni Sponsa' cantan,
     as que rezan n'as ermitas,
     as que brincan d'as campanas,
     as qu'entonan 'Manificat'!

  15 Con ixa mesma ilusión
     oi nusotros irnos güelto!
     Qu'ista biella tradizión
     sigan-la os fillos nuestros!

     ¡Punto!

     CANTA

  16 ¡Biba a Galliguera y Guarga!
     ¡Biban os suyos romeros!
     ¡Se nos estremeze l'alma!
     ¡Qué goyo gober a bier-os!

  17 ¡No t'olbides de golber
     ta a lugar ande naziés!
     ¡Nunca ejes en l'olbido
     a tierra dande tú yes!

     REPATÁN

  18 ¡Ya a llegau l'año dos mil,
     y como iría Buñuel,
     aún sale o sol por Espín
     y s'asconde por Uruel!

  19 Toz os diyas ta o treballo
     anque sía l'año dos mil,
     grazias a diós qu'os segallos
     no s'en dejan de buquir!

  20 ¡Y con a añada dos mil,
     gubierno nuevo en Madrí!
     ¡no hay menistro sin cartera,
     ni un obispo sin tripera!

  21 ¡Anque sía l'año dos mil
     lo manden ende Madrí!
     ¡no oímos d'ejar afogar
     a nengún otro lugar!

  22 ¡Asabelo o que yo aprendo
     desde que boi enta escuela;
     biyendo asti tantas zagalas,
     m'alcuerdo d'a mia maestra!

  23 ¡L' otro diya n'a lizión,
     lis iziba á ras mozetas,
     que se'n cudiasen d'os cucos
     y d'as suyas fizadetas,
     porque fan inflamazión!

  24 ¡Pero que aún muito pior
     yen as fizadas d'as cucas,
     pos a suya rinfladura
     nuebe meses ye o que dura!

  25 ¡Tiengo o mairal bien cuartizo,
     mu zereño y estudiau,
     pero en tocante a o ganau
     ye asabelo qué zérulo!

  26 ¡No le pidas bel cuartizo,
     cañablas o torrulleras,
     qu'igual te trai bel cañizo
     con as codas d'as corderas!

  27 ¡Ye apaizido a os changueros:
     añicas u frescucadas,
     mardanos, bucos, betiellos,
     segallas, cuatromudadas...¡
     ¡No fa más que trafucá-se!
     ¡To lleba-lo por igual!

  28 ¡Afeque! ¡Mia que chemecas,
     cuando me tiens que pagar!
     ¡ Pa ganar cuatro perrotas,
     cuánto me fas petenar!

  29 ¡D'os bragueros d'o ganau,
     pai que n'on entiende garra!
     ¡Mas...  que tienga gúen cuidiau,
     no s'enzierte una panarra!
     ¡D'ixo en sabe demasiau!

     MAIRAL

     (¡Corriendo tande está o repatán,
     con l'intenzion de pegáli!
     ¡O repatán se l'escapa ta l'otra punta!)

  30 ¡Será escarau y trapazero!
     ¡So moñaco...! ¡Ccatenazo...!
     ¡Ye por demás... ! ¡¡Zaborrero!!
     ¡¡Bas á llebá-me un lambrazo...!!

     REPATÁN

     (¡O mairal sigue encorriendo a o repatán,
     y güelben os dos ta o suyo lugar!)

  31 ¡Mairal, miá de serená-te,
     no t'arreés bel talegazo!
     Y pa remojá-te o gaznate,
     echa-te gúen lamparazo!

     ¡Punto!

     (¡Mairal y repatán s'aprosiman
     y s'echan chuntos un trago de ra bota!)

     MAIRAL y LANZANTES

  32 Lotra nuei he teniu un suenio,
     mientras n'o cletau dormiba!
     ¡Bide o que me contó lolo,
     cómo antes yera iste diya!

  33 ¡Prenzipiaba a rayar l'alba,
     Ballibasa y Sobrepuerto,
     yera un clamor de campanas!
     ¡Rabaños de chen ta o Puerto!

  34 ¡Ai qué güecos toz rancaban
     ejando os lugars bazios,
     y os poquetes que quedaban
     que saliban á espedí-los!

  35 ¡Iba llegau de bispera
     ta Yebra gran romería
     de Guarga y a Galliguera!
     ¡Trenta pueblos acudiban!

  36 ¡Choros d'ombres y mullés
     que de mu lejos beniban!
     ¡Abeba tantisma chen
     que n'as casas no cogeban!

  37 En rematar a nobena
     se feban os escojuros.
     ¡Cuánta fe y qué debozión
     allí en l'ondo de cada uno!

  38 ¡A enfermos y espirituaus,
     denzima d'as suas capezas,
     a Capeza e Santa Orosia
     un raté lis ne poneban!

  39 ¡A ilesia toa noche abierta,
     asti en bela la pasaban
     romeros y emás debotos!
     ¡Yera a Bibilia d'a Santa!

  40 ¡¡Cantar al benir o diya,
     por as calles d'o lugar,
     o rosario de l'aurora,
     y enta ro Puerto marchar!!

  41 ¡Dende a mallata Auturía,
     bide ascape amanezer
     muitas ringleras de chen
     qu'n ta iste Puerto subiban!

  42 ¡Llegón por San Cocobá,
     primeros os de Cortillas,
     con Ainielle y Basarán,
     Escartín, Otal y Zillas!

  43 ¡Por o canto d'o Reguero
     subiban de Bergua y Sasa!
     ¡Y d'a Ribera e Fiscal
     también muita chen puyaba!

  44 ¡Y, por Sorna, os de Sobás,
     Orús, Fandiello y Espín,
     Fablo, Gillué y San Chulián!
     ¡En o Puntón d'o Dosel

  45 a bandera de Sobás
     con qué rasmia la bultiaban!
     ¡Dende ra Cruz de ra Gualda,
     a de Yebra respondeba!

  46 ¡Luego sintié que bandeaban
     campanas n'a Ilesia as Cuebas!
     ¡Ta ro Chorro ya llegaban
     con a Santa ros de Yebra!

  47 ¡Por os Mallos s' asomón
     muchismas cuerdas de chen,
     yeran de Satué y Jabierre,
     de Sardas, Latas y Osán,
     d'Isún, Allué y San Román!

  48 ¡Cutio por a Cantalera
     beniban os d'os Oroses,
     os d'Olibán y Larrede,
     Bergusa, Susín y Casbas,
     con Barbenuta y Espierre!

  49 ¡Qué bien andar por a tasca!
     ¡Os mozés as cuatrosuelas!
     ¡Os más biellos china chana!
     ¡Toz gran conzieto teneban
     de bier ascape a ra Santa!

  50 ¡Os machos cargaus d' alforjas
     con o millor d'a dispensa!
     ¡Qué pincha aparejadura!
     ¡Cada lugar ta sua mata!
     ¡Qué gúena l'augua d'a fuen!

  51 ¡Brincó d'Ilesia d'o Puerto
     ascape una prozesion
     que con cruzes y banderas
     ta o Zoque s'encarriló!

  52 ¡¡Yeran de Sobrepuerto!!
     ¡Luego bide qu'arrancó
     Ballibasa á su alcuentro
     con otra gran prozesión!

  53 ¡En metá d'o Alizonar
     as prozesions s'alcontron.
     Primero fuén as banderas
     As que a de Yebra besón!

  54 ¡O mesmo fizon as cruzes
     y os palos de ros romeros!
     ¡Y toz chuntos s'en golbión
     n'una unica prozesión!

  55 ¡Elante nuebe banderas,
     qu'á la par toas las bultiaban!
     ¡Dezaga, y en dos ringleras,
     trenta cruzes que s'alzaban!

  56 ¡Os romeros, de seguido,
     de ra Galliguera y Guarga,
     con palo, ropón y zirio!
     ¡Una trentena guallarda!

  57 ¡Os lanzantes y o mosico
     de lanzar no se'n ejaban!
     ¡Y a peaina e Santa Orosia,
     preta d'enfermos rodiada!

  58 ¡Cuántos ombres y mullés!
     ¡Con que gran fe la seguiban!
     ¡Chobens, biellos y mullés!
     ¡Muitos escalzos en iba!

  59 ¡Con cuánta rasmia cantaban
     'Veni Sponsa' y 'Maniflcat'!
     ¡Qué abandeo de campanas!
     ¡Qué zerca o zielo d'a tierra!

     ¡Punto!

     MAIRAL y REPATÁN

  60 Con o entusiasmo y tesón
     de muitas d'as nuestras chens,
     toz chuntos l'imos de fer:
     Que de to l'alto Aragón

  61 Santa Orosia e iste Puerto
     Sían o que siempre fuén:
     Zenzero d'a nuestra fe,
     Zoque d'unión y d'alcuentro,

  62 estrela de protezión
     d'as chens que biben asti
     y d'os que se'n tubon qu'ir
     d'o logar ande nazión!

  63 ¡O nuestro pasau cudiamos,
     pa fer millor o futuro
     y asina estar solidarios
     con toas as chens d'iste mundo!

     ¡Punto!

     CANTA

  64 ¡De muitos lugars beniban!
     ¡Orosia a toz los uniba!
     ¡Asti as penas olbidaban!
     ¡Asti ta'l zielo miraban!

  65 ¡Golberán de Sobrepuerto
     con as cruzes y as banderas!
     ¡S'abandiarán as campanas
     de ra ilesia de ras cuebas!